एका तळ्यात होती - ग .दि . माडगूळकर

एका तळ्यात  होती

एका तळ्यात  होती बदले पिले  सुरेख
होते कुरूप  वेडे पिल्लू  तयांत एक ॥

कोणी न तयास घेई खेळावयास संगे

सर्वाहुनी  निराळे ते वेगळे तरंगे
दावूनि बोट त्याला म्हणती हसून लोक
आहे कुरूप  वेडे पिल्लू  तयांत एक॥

पिल्लास  दु : ख भारी भोळे रडे स्वत:शी 

भावंड ना विचारी सांगेल ते कुणाशी
जे ते तयास टोची दावी उगाच धाक
होते कुरूप  वेडे पिल्लू  तयांत एक ॥

एके दिनी परंतु पिल्लास त्या कळाले
भय वेड पार त्याचे वार्यासवे   पळाले
पाणयात पाहताना चोरुनिया क्षणेक
त्याचेच तया कळाले तो राजहंस एक ॥

- ग .दि . माडगूळकर