ती गेली तेव्हा पाऊस रिमझिम - कवी ग्रेस

ती गेली तेव्हा पाऊस रिमझिम - कवी ग्रेस 

ती गेली तेव्हा रिमझिम, पाऊस निनादत होता
मेघांत अडकली किरणे, हा सूर्य सोडवित होता

तशी सांजही आमुच्या दारी, येउन थबकली होती 
शब्दात अर्थ उगवावा, अर्थातून शब्द वगळता

ती आई होती म्हणूनी, घनव्याकूळ मी ही रडलो
त्यावेळी वारा सावध, पाचोळा उडवित होता

अंगणात गमले मजला, संपले बालपण माझे
खिडकीवर धुरकट तेव्हा, कंदील एकटा होता

कवी ग्रेस 

गायक : पं. हृदयनाथ मंगेशकर 

संगीतकार : पं. हृदयनाथ मंगेशकर

चित्रपट : निवडुंग