आयुष्य जास्त सुंदर वाटत..

आयुष्य जास्त सुंदर वाटत..

चार चौघात बसण्यापेक्षा,
कधी कधी समुद्र किनाऱ्यावर
आठवणींना घेऊन बसावं
आयुष्य जास्त सुंदर वाटत..

आपल्याला कोण हवंय
यापेक्षा आपण कोणाला हवंय
हे सुद्धा कधीतरी पहावं
आयुष्य जास्त सुंदर वाटत..

आपल्याला काय मिळालं नाही
हे पाहण्यापेक्षा
आपल्याला काय मिळालयं हे पहावं
आयुष्य जास्त सुंदर वाटत..

आकाशातले तारे कधीच मोजून होत नाहीत
माणसाच्या गरजा कधीच संपत नाहीत
शक्य तेवढे तारे मोजून समाधानी रहाव
आयुष्य जास्त सुंदर वाटत....!